| Sagardotegiko hainbat menuren artean aukera dezakezu, guztiak ere sukaldean gustu bikainarekin egindako plater tipikoenez osatuta daudela: bakailao arrautzopila, bakailao frijitua piperrekin, txistorra eta gure berezitasuna den idi txuleta (zapore eta ebakitze zoragarriko haragia, gure sukaldeko parrillan begi-bistan egina).
Horrez gainera, hasierako plater hotzen eta beroen karta zabala ere badugu, etxeko gozogintza aparta eta sagardotegiko ohiko postreak (Idiazabal gazta, irasagar melatua eta intxaurrak). Ardoei dagokienez, aukera handia daukagu kriantza eta erreserba sortetan.
Gainera, astelehenetik ostiralera, eguneko menu aparta eskaintzen dugu eguerdiz; hots, etxeko platerak, garaikoak eta askotarikoak. Eta txikienentzat haurren menua ere badugu.
|
